13 نموذج من الشخصيات اللي بتقابلهم في الجيم

اذا كنت من اللي ربنا كارمهم وبتهتم بلياقتك تبقى اكيد قابلت كام واحد من الشخصيات دي

1- الشخصية الباردة على الريسبشن

" من فضلك لو سمحتي كنت عايز اعرف كلاس الـ TRX ابتدى والا لسه؟ وسوري لو كنت عطلتك عن جيم الكاندي كراش واضح انه اهم بكتير من خدمة العملاء

2- الاستاذ ابو شورت قصيّر .

والجميل انه بيقرر انه يعمل السكوات على بعد 20 سم من وشك وانت شغال بنش برس. "وبنتمنالك وقت سعيد" :)

3- بابا جدو اللي لياقته احسن منك وبيشل حديد ماتعرفش تشيل ربعه.

4- استاذ مشتت مش عارف هوا عايز ايه.

يطلع على التريد ميل مافيش 3 دقائق ويسبها ويطلع على ماشين تانيه مافيش 30 ثانية يسبها ويروح للثالثة, ماتفهمش هوا بيعمل ايه اصلا هنا.

5- الانستركتر السلحفة.

تحس انه بينام منك ومحتاج حد يفوقه مش هوا اللي يفوقك!

6- البنت اللي بتيجي كل مرة بميك اب كامل كأنها رايحه فرح

هي تقريباً مش جاية تظبط صحتها وجسمها هي جاية تظبط عريس يتقدملها.

7- البنت القمر اللي مافهاش غلطة

طول مادي موجودة تلاقي في حوادث غريبة بتحصل ماتفهمش ليه.

8- اللي بيجو بالجنز

انت مش مارلين مونرو على فكرة, البسي لبس جيم اكرملك يابنتي.

9- الاستاذ مرسوم.

دا بيبقى غايظ كل اللي حواليه, كلهم غيرانين منه حتى الانستركترز نفسهم.

10- الرجل الوَحْش

دا اكتر واحد بيكره الاستاذ مرسوم, وعموماً مش كتير اللي بيعرفو يبقو زيه, عشان كده ماحدش بيقدر يقف قصاده او يزعله.

11- المدرب التخين.

انا جاي هنا عشان ادربك مش العكس, انزل على الارض 20 بوش اب وعايزهم بالحركة السريعة

12-اللي مابينزلش التليفون من ايديه

على فكره ماحدش هنا مهتم انه يعرف اي حاجه عن عربيتك البورش ولا عن رحلتك للباهاما فلوسمحت بطل تتكلم بصوت عالي صدعتنا.

13- ابو ريحة جنان.

منين جاية الريحة الوحشة دي؟

يمكن الراجل اللي على التريد ميل اللي جمبك؟ او الست اللي لى الروماشين؟ او يمكن ...انت؟