تنّة ورنّة أو "Tinker Bell" هي من أسوأ شخصيات ديزني على الاطلاق

ولو مش مصدقنني تعالو نفتكر مع بعض

لمّ بنفتكر بيتر بان وتيجي على بالنا شخصية تنّة على انها شخصية خرافية نسائية مرحة, لكن فعلا انتو فاكرين لها ايه من شخصيتها؟؟.. بالظبط انها كانت غيورة حبتين وأساليبها كلها ملتوية.

كل اللي فات صحيح, بس يمكن ماتكنوش فاكرين انها شخصية بشعة جداً جداً, طب خليني أوضحلكم أكثر

أول لحظة ظهرت فيها تنة في الفيلم مع بيتر بان كانت شكلها بيوحي بالبراءة وشوية شقاوة, بس بعد فترة قصيرة من ظهورها في غرفة الاطفال بنشوفلها منظر وهيا بتبص لانعكاس صورتها في مراية بشكل ولا طفولي ولا بريء.

والتلميح هنا بانها مش مبسوطة من فكرة زيادة وزنها, انتو مش شايفين معايا انها مش فكرة سديدة ان موضوع زي دا نشغل بيه عقول بناتنا الصغيرين ونزرع في نفوسهم ان شكل جسم المرأة هوا المهم او ان الجسم المليان وحش والرفيع هوا اللي حلو!! فهمتو قصدي؟

وبعدين وبسرعة جداً بنلاحظ ان غيرة تنّة غيرة خارجة عن السيطرة!

وكمان ردود افعالها الجسدية عنيفة, وكانت هتقطع هدوم وندي وهي بتشدها!!

مش بس كده لاء وكمان وقحة وبتتكلم عن وندي بشكل مش لائق في وشها.

دي مش بس عدوانية ... لاء دي كائن سلبي عدواني شيطاني متمرد , زي متقول كده كمبو حاجات بشعة

وأم بتركب الوش الخشب بتبقى أسوأ ملامح رامية على كره في حقد ممكن تشوفها في حياتك...

... لوكنت فاهم ....

... انا قصدي ايه.

كل دا وهي مش بتعرف تتكلم وصغيره اد كده, امال لو كانت اكبر شوية وليها صوت كانت عملت ايه؟!

خلونا بردو نتكلم عن اد ايه هي كارهة وندي_كثير اوي جداً_ بعد ماقابلتها يادوب بـ 10 دقائق, طب هي لحقت؟ .. شفتو لم سابتها في الهوا قبل مايوصلو ارض الاحلام بشوية؟؟

لم سابت وندي وجريت بسرعة عشان تسبقها...

واكن كل اللي عملته قبل كده مش كفاية, راحت قالت للاطفال التاييهين على الجزيرة ان في طائر عملاق شرير "اللي هي وندي" جاي على هنا...

... وبيتر بان عايزكم تنشنو عليه وتصطادوه!!

وحتى لمّ وندي كانت على وشك انها تموت او حتى تتصاب....

كانت تنّة بتبتسم بسعادة وسرور "دي مريض نفسياً"

واتعصبت اوي لمّ بيتر لحقها ومش وقعت.

وحاولت تتعايش مع الحقيقة المرة بس كان واضح عليها الشياط

وحتى لمّ بيتر سألها انتي مذنبة وإلا لاء؟ ما انكرتش التهمة. عادي جداً

والأسوأ انه لمّ قالها انتي مش عارفة انك كان ممكن تقتليها؟ جاوبت بكل وقاحة " اه "

تنّة ورنّة " المادة الأصلية والخام لـ اللؤم "

نتمنى نسمع اراءكم انتو كمان في شخصية تنّة .