تعرف حاجة عن الانفجارات الشمسية؟؟ مش هتصدق

صورة لإنفجار شمسي من تيليسكوب المركبة الفضائية  Solar Dynamics Observatory، الأنفجارات دي بتعمل حاجة أسمها عاصفة شمسية وهي طوفان من الجسيمات المشحونة إللي بتسافر في جميع الإتجاهات، الإنفجارات دي عندها القدرة على تدمير الحضارة الحديثة أو إرجاعها 100 سنة للخلف لأنها هتدمر أي جهاز فيه بروسيسور أو إلكترونيات من أي نوع وهتوقع الأقمار الصناعية وتفصل الإتصالات والكمبيوترات والإنترنت ومحطات الطاقة، إلخ وتتسبب في مئات المليارات من الدولارات في الخراب الناتج وربما حروب وأزمات دولية كبرى، ولكن البطل الخفي في القصة دي هو الحقل المغناطيسي للأرض وهو إللي بيحمينا من تلك الجسيمات المشحونة ويخليها تنحرف عن الأرض، ولكن من حين لآخر المجال المغناطيسي مش بيقدر يشيل كفاية والعاصفة الشمسية بتقدر تدخل للأرض (أحد نواتج الموضوع دا هو أضواء الشفق) ولكن لو العاصفة قوية كفاية ممكن تعمل خراب أسطوري، زي ما حصل في نصف القرن ال19 في ما يسمى الCarrington event  ولكن وقعها حاليًا هيكون أكبر بكتير جدًا بسبب فرق التكنولوجيا بين وقتها وحاليًا، وفي 2012 حصلت عاصفة من المدمرين دول ولكن الأرض محظوظة أنها تخطتها بأسبوع (يعني لو كانت العاصفة حصلت قبل وقتها بأسبوع كانت الأرض هتبقى في خط النيران وain't no telling حجم الخراب ساعتها كان هيكون أد إيه).