15 موقف بيحصلو دائماً لاصحاب الحظ القليل

لو كنت من الناس اللي حظها مش قوي, تبقى اكيد عارف انا بتكلم عن ايه.

1- النهاردة اجازتك الاسبوعية, يبقى اكيد الطقس هيتقلب لعاصفة ترابية, مع انه لحد باليل امبارح كان جو ربيعي رائع.

2- دائماً بيطلع حظك في الطابور اللي مش بيمشي, ولو سيبته ورحت للتاني هيتحرك بسرعة والتاني اللي كان ماشي اصلا حيِعطَل.

3- دائماً الباص فايتك وانت واصل في اخر لحظة وبردو مش بتلحقه وقدامك ساعتين على ما تيجي المواصلة اللي بعديها

4- ودوناً عن كل المقاعد الفاضية اللي في المواصلة, بيجي لحد الكرسي اللي جنبك بالذات وبيقعد عليه حد غريب الاطوار او معتوه او عيل رخم مع مامته.

5- أي حاجه بتقع منك لازم تقع في أسوأ مكان ممكن توصل ليه.

6- في كل مرة بتشتري فيها حاجه حلوة جداً وغالية, بعديها باسبوع بتنزل عليها تخفيضات محترمة.

7- وبردو في كل مرة بتلبس فيها حاجه جديدة لازم يتدلق عليها أي حاجه تبوظها.

8- اليوم الوحيد اللي تتأخر فيه على معاد الدوام في الشغل, هو اليوم اللي المدير بيبقى عايز منك انت بالذات حاجه مهمه وغالباً بيبقى يوم مالوش ملامح.

9- الوقت اللي المفروض تكون فايق فيه ومصحصح هو الوقت الوحيد اللي بتكون فيه ميّت على روحك من التعب.

10- بتقعد مستني الاوردر اليوم بطوله والعشر دقايق اللي بتغفل فيها عن الباب وماسمعتش الجرس هي اللي جيه فيها الدلفري ومشي.

11- مناخير ك زي الفل ومش بتعطس عادة ولا عندك اي حساسية, بتعطس بس لم اديك ماتبقاش فاضيه عشان تعطس.

12- لو ضيعت حاجه مهمه جداً ومافيش امل تلاقيها, بمجرد ماتشتري وحدة بديله حتلاقيها ظهرت في المكان الغير منتظر.

13- أمّا بيبقى مظهرك مزري وفي أسوأ حالاتك اعرف انك حتخبط بحد تعرفه وهو دوناً عن كل الناس مستحيل تكون عايزه يشوفك بالشكل دا.

14- بعد دخول الشتاء وبعد ماتكون لميت كل الهدوم الصيفي, تلاقي فجأة الشمس اشرقت بحرها البديع وملأت الدنيا دفا كام اسبوع كمان.

15- لابس ومطقم وعندك معاد مهم والجو بديع وزي الفل؟ فجأة يقلب الجو ممطر ماتلاقيش حتى حتّه تِدّارا فيها.

وعلى رأي المثل "قليل البخت يلاقي العظم في الكرشة"

ننتظر تعليقاتكم ويسعدنا سماع اراءكم.