6 استخدامات ذكية للملح هتحللك 6 مشاكل عويصة ماكنش ليها حل.

في اكلات مش بتتاكل من غير ملح, وكمان في مشاكل حلها الوحيد هو الملح.

1- سطح مكواة الهدوم مش نضيف وبيلزق في اي حاجه بتكويها؟

الملح هو الحل الذكي

1- افتح المكواة على اعلى درجة

2- هات ورق الذبدة من المطبخ او ورق جريدة او اي ورق يشبه لكده 

3- حط طبقة وفيرة من الملح على الورق

4- حرك المكواة الساخنة على الملح لمدة دقيقة تقريباً

حتنبهر بالنتيجة.

2- مشكلة البيض لما بيقع على الارض ويبهدل الدنيا

مشكلة البيض المكسور على الارض مشكلة عويصة مش بيلمها ولا طن مناديل, بس حلها مع الملح بسيط جدا

1- رش الملح بكمية كبيرة على البيض المكسور بحيث يغطي كل البيض

2- اتركه عشر دقائق وبعدين يتلم في منديل 

3- حيكون مسك نفسه واتلم بسهولة من غير تلزيق وبقايا لزجه في كل مكان-

3- اثناء التحمير مسكت النار بالمقلاة, البعض بيعتبره كابوس مرعب

بس بعد كده لو شوفت نار بسبب التحمير مسكت في المقلاة رش ملح بكميه كبيره وسريعة وخلصت المشكلة.

4- وانت بتعمل الاكل سيبته دقائق على النار رجعت لقيت كل حاجه سودة!

الدهون وبقايا الاكل المحروق في الحلة او المقلاة أما بتلزق مابتطلعش غير بطلوع الروح.

بس الحل فعلا مع الملح, طبقة وفيرة من الملح على الدهون وبقايا الاكل المحروق وعليها كوب ماء وسيبه عشر دقايق.

وبعد كده اغسلها بالسفنجه بكل سهولة.

5- السفنجة اللي استعملتها في تنضيف البقايا المحروقه باظت!!

لاء مش باظت ومش حتترمي.

هات مقدار كبايتين ماء وعليهم اربع كبايات ملح قلبهم كويس وانقع السفنجه طول الليل, والصبح اعصرها وشوف الفرق.

6- البانيو اتسد ببقايا الشعر

مشكلة انسداد البانيو تقريباً كلنا بنعاني منها بين فترة والتانية. بس الحل جداً سهل

1- نشيل على اد مانقدر الشعر اللي ظاهر عندي على السطح

2- نخلط 3/4 كوب بيكربونات الصودا مع 3/4 كوب ملح ويتخلطو كويس ويتحطو في الفتحة المسدودة

3- وضع 1/2 كوب خل ابيض عليهم ويترك 15 دقيقة وبعد كده اغلي الماء ويتصب على الفتحة وبكدة تكون اتشالت كل العوالق الي كانت موجودة. 

اترككم مع الفيديو الاصلي

ننتظر تعليقاتكم وارائكم؛