21 معلومة حقيقية أوي للاشخاص إللي دائماً سقعانين بشكل مش طبيعي

"أنا إتجمدت" جملة بتسمعها منهم كل خمس دقائق

 مع نهاية موسم الحر, وإللي زي ما الكل شاف وحس "كان حر زيادة عن اللزوم" وعن اي سنة فاتت, قريب جداً هيبتدي موسم السقعة والبرد، وترجع فئة من الناس _وأنا منهم_ للمعاناة والعذاب.

تعالو نسترجع الصور دي مع بعض كدا:

1- لمّ تبقى أصلا مثلج خلقة ويجي واحد يفتح الشباك!

ايه ياعم انت بتهرج؟! دنا حاسس إن الاوضة دي في القطب الشمالي اصلا مش في مصر..

2- أو يحصل الأسوأ من كدا, يبقى عندهم الجرأة يقفلو الدفاية اللي انت لسه فاتحها مافيش دقيقة!!

مافيش احساس خالص؟! مش شايفنني بتجمّد خلاص!

3- ومع بداية دخول فصل الشتاء من كل سنة, بتبدأ الاستعدادات والتدابير الاحترازية الاستثنائية.

تقريباً هنزل اجيب من دول كل الالوان.

4- اتأكدت إن الاشخاص اللي طول عمرهم سقعانين هم اللي أدرجو موضة _الجوارب مع الصندل_

اخر شياكة الحقيقة.

5- لما تبقى مش قادر تنام من كتر ما جسمك رافض انه يدفا ولا بأي طريقة.

6- لما تبقى لابس كل اللي على الحبل "بالمعنى الحرفي للكلمة"

عادي يعني السقعه تعمل اكتر من كدا.

7- لما تبقى حالة القشعرة عندك هي الحالة الطبيعية.

كل ماتحاول تقنع نفسك انك دافيء ومافيش مشاكل تلاقي حاجه جواك بتقلك الدنيا بررررد

8- محاولاتك الخروج مع صحابك تعملو اي نشاطات غالباً بتبقى بالمنظر دا.

تحس ان البطانية بقت قطعة اساسية من الهدوم .

9- مهما كن جسمك دافيء وكله تمام في حته معينة دائما مصرّة انها تفضل مثلجة.

طب والله عبقري اللي اخترع الحاجه دي.

10- بتبقى محتاج لدفّاية شخصية زياده جمبك غير الدفاية اللي اصلا اساسية في الصالة.

11- وبتستخدم شريك حياتك على انه قربة مية سخنة تحط رجليك عليها و تِدَّفَّا بيها.

12- علامات الايدين من كتر مابنقعد عليها عشان تدفا.

13- أهم حاجه انك تلاقي جاكتة الاحلام اللي مقاسها وقصتها ممكن تسمحلك انك تلبس الدولاب كله تحتيها, ومش مهم بعد كده لونها او شكلها كل دي حاجات ثانوية, المهم انك تكون متدفي.

14- وياسلام على السعادة اللي الواحد بيكون فيها لما بيلاقي الشال الكبير جداً عشان يبقى دفيان كده الصبح وهوا نازل من البيت وبعد الظهر وهوا في البيت وحتى بالليل وهوا رايح ينام,

15- والخنقة لما بتبقى مضطر انك تلبس اللحاف بتاعك في المكتب عشان الزملاء الرخمين عندهم مشكلة مع التكييف السخن,"قال ايه بيجيب برد".

اموت واعرف مين البارد اللي طلع الاشاعة دي, على الفكره البرد هوا  الي بيجيب التهاب في الرئة :(

16- لما تبقى باصص من ورا القزاز للجو المقلوب اللي شبه الاعصار وتقول لنفسك "انا عملت ايه عشان استاهل دا كله"؟

واخواتنا اللي في الدول المجاورة وبينزل عندهم ثلج تلاقيهم بيدعو " يارب اي حاجه تحصل اي حاجه بس بلاش ثلج يارب"

17- في اي خروجه في اي مكان واي وقت مشروبك المفضل هوا "اي حاجه سخنه" لانها الحاجه الوحيده اللي ممكن تدفي ايديك السقعانة.

18- دائماً بيبقى للشخص اللي علطول سقعان في صديق صدوق لازقله على طول حرّان عشان يكمل النكد.

19- وتبقى هي دي فكرتك عن الاستمتاع بفيلم جامد على اللاب!!

20- اما اي درجة حرارة اقل من دافيء يبقى الدنيا سقعه ولازم اخد الجاكت معايا

21- والحالة بتاعتك على الموبايل او "status" الدنيا برررد بقاله دهر مابيتغيرش.