شاهد أكبر مدفع رشاش في العالم .. مفيش حاجة تقدر تسدّ قدامه

عندها القدرة على تدمير الدبابات والمدرعات وحتى إسقاط المباني ..

المدفع الرشاش GAU-8 Avenger من أكبر المدافع الرشاشة في العالم، مصمم خصيصًا للطائرة A-10 Thunderbolt وكبير جدًا لدرجة إن الطيارة نفسها مصممة حول تصميمه هو، ولما بينزعوه من الطيارة بيضطروا يجيبوا رافعة تثبت الطيارة لأنه بيشكل أغلب وزنها الأمامي. على اليمين مقارنة طلقته مع طلقة بندقية القناصة (طلقته هو الكبيرة،) بيضرب منها حوالي 3900 في الدقيقة، الطلقات بتاعته عندها القدرة على تدمير الدبابات والمدرعات وحتى إسقاط المباني، طلقاته بتشتعل وتنفجر وتخترق أي دروع وبيخلي الطيارة إللي هو فيها ربما أكتر طيارة مخيفة للدبابات أو الأهداف الأرضية، لأنها طيارة بطيئة ومصممة لمساندة القوات الجوية ضد الأهداف الأرضية ولذلك، على عكس الطيارات السريعة زي الF-16 وما شاب، دي بتقدر تبطأ وتضرب الأهداف المتحركة ببطء على الأرض كالدبابات، لو ظهرت في المعركة بدون وجود دفاع جوي قوي جدًا يبقى معناها إنتهاء الدبابات وكل الأهداف الأرضية في دقايق.