شوف أندّر الكائنات الحية على كوكب الارض

سحلية الـ komodo dragon من أندر وأكتر الكائنات الساحرة والمذهلة على الكوكب. هي أكبر نوع من السحالي، أكبر أحجام حية مؤكدة منها أطول من 3 متر بقليل. بتاكل وجبة تعادل %80 من وزنها في الجلسة الواحدة، يعني تخيل لو انت وزنك 100 كيلو وعايز تاكل 80 كيلو لحمة في قعدة واحدة، حظ سعيد. الإناث بتقدر تخلف من غير ذكور خالص، ظاهرة أسمها parthenogenesis. ممكن تاكل شيء حجمه يعادل جزء كبير من حجمها وعشان تدخله جوة جسمها بتحطه في فمها وتخبطه في شجرة عشان الشيء يدخل في بطنها للهضم، أحيانــًا من فرط عنف الصدمة أو الخبطة إللي بتعملها في الشجرة، الشجرة بتقع. أسنانها عاملة زي أسنان القرش ومش بتخاف وليها حالات مسجلة قتلت فيها بشر بنطحهم وهم دايخين أو تسمم، وسباحين ماهرين جدًا، وبسبب شهيتهم الكبيرة جدًا، أحيانــًا بيضطروا لأكل أطفالهم، بس الأطفال عندهم ميكانزم مقاومة للموضوع دا وهو إنهم بيغطوا جسمهم بالروث (البراز) عشان أي حد من الكبار مهما كان مفجوع يقرف حتى يقرب لهم، لحد ما هم نفسهم يكبروا ويعرفوا يشوفوا شغلهم وياخدوا بتارهم.